ISE Consultants Ltd

片刻寧靜

Cindy：經理，我在這個客戶服務部工作已那麼久，不如你掉走我啦！我真係頂唔順那個Mary啦！我叫佢細聲D，佢完全唔採我！

經理：依，似乎你真係好沮喪，有D野咁無癮，什麼事、什麼事？慢慢講、慢慢講！

Cindy：唉，其實亦都不是全日的，但每一日的午飯時候，那個Mary一定要打電話給她媽媽，她媽媽又聽唔清楚，咁佢米要好大聲囉！同埋一講就起碼45分鐘，我成個Lunch time 無曬！真係比佢玩死！

經理：我真係唔知你想我做乜？聽你咁講，似乎可以做的有限！(一)我就同Mary講現在這個情況，(二) 我捉你兩個埋黎講啦；究竟你兩個有什麼事就拆掂佢啦，(三) 或者我比D建議你；看看可以怎樣做，或者你們的事情我不好理會，或者聽你講幫你掉位置！其實如果要的話，還有一個辨法的！就是叫Coaching - 啟導的方法，這個方法的特點就是；我通過問一些問題令你反醒，知道件事，然後提升你去處理人際關係的能力！其實你想我點做，不如你再講下？

Cindy：其實如果可以掉我位的話都不錯！不過間Office 咁細，掉我去到邊都聽到佢把聲架啦！我又要同佢一齊做野，又唔係唔識Mary，一陣佢以為我搬弄是非，遷怒於我添！或者你可以試下用啟導的形式來幫我，我又唔想做衰人，但又真係唔知點做，你可唔可以比D意見我呀！

經理：如果你想我用Coaching 即是啟導呢，咁我開始就唔比任何建議你，而所有解決方法、究竟怎樣做，都是由你自己想出來的！不如你告訴我，現在這個處境對你有幾大影響，有什麼煩著你呢？

Cindy：唉，米就係佢把大聲囉！我淨係想食飯時候自己靜靜地看書都集中不了，比佢影響得好緊要，留下飯堂又很嘈吵，我又不想去Library，圖書館很遠呀！真不知點算好！

經理：你最希望Mary 需要做些什麼？

Cindy：尊重我自己靜靜地的時間！

經理：不如你講多少少，靜靜地的時間對你有幾重要？

Cindy：梗係緊要啦，我都想增值一下自己，平時要聽個D客戶投訴已經煩到死啦！終於到午飯時間可以放低電話靜靜地睇書，都唔得！唉，我要求好簡單呢！

經理：之前我問過你，你話想Mary尊重你靜的時間，那麼你又覺得Mary需要你做什麼？

Cindy：佢想我明白佢需要打電話給她媽吧！

經理：她打電話這個需要對她來說有幾緊要？

Cindy：唉，她爸爸早幾個月前過了身，Mary是一名孝順女，她每天都想Check 住媽媽，肯定她媽沒事吧！但需不需要每天講那麼多次？每次又講得咁耐呢？

經理：你之前講過叫Mary細聲D…. 細聲D，但佢又唔理你，可否講多D個狀況是怎樣？

Cindy：我米同佢講: “唔該你細聲D啦！” 佢就話: “我媽聽得唔好！” 咁佢就要大聲囉！

經理：OK，你又明白她媽聽野有些困難，Lunch Time時候你兩個都需要用寫字樓，其實有什麼方法是大家可以和平共處、大家的需要都可達到呢？

Cindy：她可以到別處打！

經理：這是一個方法，還有呢？

Cindy：佢實叫我去library，但library好遠架，我都講過，飯堂又嘈又多人！

經理：重有無其他方法呀？

Cindy：我真係唔知喎！

經理：那麼你覺得Mary會有什麼建議？

Cindy：佢實叫我自己找個地方悶足30分鐘！佢實唔願意到別處講電話，尤其這些私人電話！佢唔想在公眾地方講！

經理：不如這樣；先停 一停！你代入一下我的處境作為經理，你幫我做一個公平的決定，是你和Mary都可以接受的！你覺得會點？

Cindy：唔知啊！或者你會想我們尊重對方，一人一半囉！即是Mary講30分鐘電話，Cindy就靜靜地有30分鐘睇書，又或者我地自己擺平囉！去第二度囉！唔知呀，但總是怪怪地，好似傳統方法一人讓一步那樣，好似好公平，但Mary點解聽唔到我需要靜D呢？佢唔理我？咁又點呢？

經理：我淨係知道無論我做什麼決定都好，你地都會有一個或者兩個都唔開心！所以由第三者決定的事情，你地都會有問題發生的！

Cindy：唉，或者我可以再試下同Mary傾傾，之前傾唔掂，再試下都得既！

經理：如果你想再同佢傾的時候，今次你又有什麼不同的做法呢？

Cindy：我試下叫佢細聲D囉！佢都應該知我有D唔開心，但我咁講野又好似好掘喎！

經理：或者你試試，回想一下以往同佢傾的時候除咕無癮之外，有什麼會令到大家無法傾落去？

Cindy：佢奚落我囉，話我係孤獨精囉！佢咁講令我好唔LIKE…

經理：佢奚落你？？？

Cindy：或者佢唔係有心咁講，但我感覺有這意思！好多同事都講Cindy食飯時鍾意自己” 柄” 埋一角！

經理：如果你今次再傾的時候，有什麼反應可以令你地的對話繼續落去、達到你想要的目的？

Cindy：或者我可以同佢解釋點解我需要增值自己，所以點解我需要靜靜地睇書啦！點解食飯的時候我需要獨處，對我有什麼好處！或者佢知少少，但我唔想佢以為我想離群！

經理：現在不如我地再重組一下，如果你要再見Mary的話，重點上有乜野訊息要話佢聽？你想點樣表達這訊息？

Cindy：咁我米話比佢聽我這邊究竟發生什麼事情，同時我好希望佢可以同我合作，邀請佢一齊想想點先可以善用食飯的時間；同時好好利用office的空間，或者大家可以想到D方法！如果想唔到辦法，我地再找你幫忙！

經理：幾好喎！我好欣賞你在這方面付出的努力，你都好辛苦嘗試想不同的方法，你可否告訴我在今次的對話當中，你學習到什麼？

Cindy：啟發到我其實都需要作一些自我檢討及自我檢視！無論如何我都希望你明白我背後的用意，我好鍾意同Mary一齊工作，其實我真係唔想影響我們的關係，所以我有這個動力，希望大家一齊去想想怎樣去處理問題，好過什麼都不做呢！

經理：幾好呀！唔錯唔錯，如果你同Mary傾到任何方案，需要我同你地一齊討論的話，我歡迎你們來找我，如果你再同佢單獨說話的時候遇上困難，你也繼續可以來找我，好不好？我很欣賞你為這件事所作出的努力，值得鼓勵！

Cindy：謝謝！